Nënkryetari i Listës Serbe, Milan Radojiçiq dyshohet se është në mesin e të plagosurve nga grupi terrorist në Banjskë të Zveçanit, i cili dje sulmoi Policinë e Kosovës, me ç’rast u vra në krye të detyrës rreshteri, Afrim Bunjaku.
Në fakt, portali i njohur nga Bosnja e Hercegovina “Istraga” raporton se Radojiçiq është në mesin e sulmuesve të plagosur.
Ai prej kohësh është në listën e zezë të Amerikës dhe i kërkuar nga institucionet e Kosovës për vepra të ndryshme kriminale.
Sipas mediumit boshnjak, Radojiçiq tani ndodhet në Serbi për trajtim mjekësor.
Gazetari hulumtues i portalit “Istraga.ba”, Avdo Avdic i tha RTK-së se në disa raste kanë tentuar ta kontaktojnë Radojiçiqin, por fillimisht një person i panjohur i cili është përgjigjur në telefonin e tij ka thënë se “nuk është Radojiçiq”, ndërsa më pas, i njëjti person ka pohuar se Radojiçiq është mirë.
Ndërkohë, ministri i Punëve të Brendshme, Xhelal Sveçla, gjatë adresimit të sotëm për media gjatë prezantimit të armatimit të sekuestruar në aksionin e djeshëm të policisë në Banjskë ka konfirmuar në automjetet e sekuestruara janë gjetur edhe dokumente të Milan Radojiçiqit.
“Në këto materiale, po ashtu kemi gjetur dokumente të kriminelit Milan Radojiçiq, që po ashtu është në listën e zezë të SHBA-së, dokumente këto që dëshmojnë lidhjen apo pjesëmarrjen e drejtpërdrejtë të tij në këtë aksion”, ka thënë Sveçla.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite